ഇന്ന് ബാംഗ്ലൂറിലെ രണ്ടാം ജന്മത്തിലെ നാലാം ദിനം. ആദ്യത്തെ ദിവസം ബസ്യാത്ര ആയിരുന്നു. ഇപ്പോ രണ്ടീസമായി മെട്രോ യാത്ര പരീക്ഷണമാണ്. രാജേഷേട്ടൻ ബൈക്കിൽ കൊണ്ട് പോയി സ്റ്റേഷൻ വരെ. വണ്ടി നിരങ്ങി നിരങ്ങി ആണ് നീങ്ങുന്നത്. കാലമേ നീ എങ്ങോട്ട്? ഒരു അഞ്ചു വര്ഷത്തിനപ്പുറം എന്ത് എന്ന് ചിന്തിക്കാൻ കൂടെ കഴിയുന്നില്ല. ഒരുപക്ഷേ moving roads വരുമായിരിക്കും. അല്ല പിന്നെ.. എല്ലാർക്കും സ്വന്തം വണ്ടീo കൊണ്ട് ഇറങ്ങുകേം വേണമെന്ന് പറഞ്ഞാ പിന്നെ.. ഒന്നു നീങ്ങേണ്ടപ്പാ.. ഒന്നാഞ്ഞു പിടിച്ചാ ഏത്തേണ്ടിടത് നടന്നെത്താം..
പത്തു മിനിറ്റെടുത്തു മെട്രോ സ്റ്റേഷനിൽ എത്താൻ. അച്ചാന്മാരുടെ ഭാഷയിൽ പറഞ്ഞാൽ എന്നാ തിരക്കാന്നെ.. കൊച്ചി മെട്രോ കാണാൻ എത്തുന്ന കൗതുക യാത്രക്കാരായിരുന്നില്ല അവിടെ. രാവും പകലും കൂടിമുട്ടിക്കാനുള്ള തിരക്കിൽ ഓടി നടക്കുന്നവർ.. ആർക്കും ദിവസവും കൂടെ യാത്ര ചെയ്യുന്നവരെ ഒന്ന് നോക്കാൻ പോലും കഴിയുന്നില്ല.. മുഖം കുനിച്ചവർ.. ജീവിതത്തിന്റെ കുരുക്കഴിക്കാൻ ട്രാഫിക്കിൽ കുരുങ്ങി കിടക്കുന്നവർ... ALT, CTRL, DEL കീകളിൽ ജീവിതം പടച്ചു കൊണ്ടു പോകുന്നവർ.. തിരക്കാണ്.. എല്ലാവർക്കും..
പ്ലാട്ഫോമിൽ എല്ലാവരും വരിയായി നിന്നിരുന്നു... ട്രെയിൻ വന്നതും അതേ പോലെ കയറി വാതിൽക്കൽ നിൽപ്പായി.. എന്നാലേ അടുത്ത കണക്ഷൻ സ്റ്റേഷൻ എത്തുമ്പോൾ ഓടി അടുത്ത ട്രെയിൻ പിടിക്കാൻ പറ്റൂ..ഓടി തേഞ്ഞ ചേരുപ്പുമായി ജീവിതത്തിന്റെ അവസാന സ്റ്റേഷനിൽ എത്തി നിൽക്കുമ്പോൾ.. തിരിഞ്ഞു നോക്കാൻ എന്തെങ്കിലും കാണുമോ ആവോ..
എംജി റോഡിലെ സ്റ്റേഷൻ എത്തിയപ്പോ ഞാനും ഇറങ്ങി.. ഇടം വലം നോക്കാണ്ട് ആഞ്ഞു പിടിച്ചു നടന്നു... ഓടിയെത്തണം പത്തരയ്ക്ക് മുന്നേ...
രേവൂട്ടി
Comments
Post a Comment